अभिजीत दिपके यांचे आता पुढचं पाऊल काय असेल याकडे सर्वांचं लक्ष लागले आहे. ते राजकारणात उडी घेणार का? ते कोणत्या पक्षात जाणार याची चर्चा सुरू झाली आहे.
अभिजीत दिपके ने केला मोठा खुलासा
कॉक्रोच जनता पार्टी या अवघ्या दोन महिन्याच्या डिजिटल पक्षाने देशात क्रांती घडवली.
मोदी सरकारच्या 12 वर्षांत पहिल्यांदाच एका केंद्रीय मंत्र्याची विकेट पडली. संस्थापक अध्यक्ष अभिजीत दिपके यांचे आता पुढचं पाऊल काय असेल याकडे सर्वांचं लक्ष लागले आहे.
ते राजकारणात उडी घेणार का? ते कोणत्या पक्षात जाणार याची चर्चा सुरू असतानाच अनेकांचे अंदाज उडवणारा खुलासा दिपके यांनी केला आहे.
सीजेपी दबावगट म्हणूनच काम करणार
छत्रपती संभाजीनगर: कॉकरोच जनता पार्टी (सीजेपी) चे संस्थापक अभिजीत दिपके यांनी स्पष्ट केले आहे की ते कोणत्याही राजकीय पक्षात प्रवेश करणार नाहीत. जंतरमंतरवरील आंदोलनानंतर आणि धर्मेंद्र प्रधान यांच्या राजीनाम्यानंतर देशभरात चर्चा होत असलेल्या या तरुण कार्यकर्त्याने अलीकडेच पत्रकारांशी बोलताना आपली भूमिका स्पष्ट केली.
अभिजीत दिपके म्हणाले, “आम्ही कोणत्याही राजकीय पक्षात प्रवेश करणार नाही. हा एक रिस्पॉन्स ग्रुप आहे, जो पुढील निवडणुकीपर्यंत वेगवेगळ्या मुद्द्यांवर काम करणार आहे आणि जनता व तरुणांच्या समस्यांवर आवाज उठवणार आहे.”
त्यांनी सांगितले की, आंदोलनातून त्यांना जाणवले की राजकीय नेते जनतेचे म्हणणे ऐकत नाहीत. त्यामुळे सीजेपी दबावगट म्हणून काम करेल, निवडणुकीत उमेदवारी किंवा पक्ष स्थापन करणार नाही.
भाजपकडून पक्ष प्रवेशाचे प्रस्ताव
याआधी भाजपकडून पक्ष प्रवेशाचे प्रस्ताव आणि धमक्या आल्याचे दिपके यांनी सांगितले होते.
ते म्हणाले की, “मी भाजपमध्ये सामील होणार नाही. जर जायचे असते तर आधीच गेलो असतो.” भाजपने या आरोपांना फेटाळले आहे. शिंदे आणि ठाकरे गटाच्या शिवसेनेकडूनही संपर्क साधला गेल्याचे वृत्त आहे.
उद्धव ठाकरे यांनी दूरध्वनीवरून संवाद साधला, तर शिंदे गटाचे नेते भेटीसाठी आले. मात्र दिपके यांनी या सर्व प्रस्तावांकडे दुर्लक्ष केले.
तरुण पिढीच्या विश्वासार्हतेसाठी सीजेपी पक्षनिरपेक्ष राहील
अभिजीत दिपके यांचा पूर्वी आम आदमी पक्षासोबत स्वयंसेवक म्हणून काम केलेला अनुभव आहे.
मे २०२६ मध्ये मुख्य न्यायाधीशांच्या ‘कॉकरोच’ टिप्पणीनंतर त्यांनी सीजेपी सुरू केली.
सोशल मीडियावर प्रचंड प्रतिसाद मिळाल्यानंतर ते भारतात परतले आणि जंतरमंतरवर आंदोलन केले. शिक्षण मंत्र्यांचा राजीनामा घेण्यात यश आल्यानंतरही ते स्वतंत्र राहिले.
सध्या सीजेपी बेरोजगारी, परीक्षा घोटाळे आणि तरुणांच्या प्रश्नांवर काम करत आहे.
दिपके यांनी सांगितले की, कोणत्याही पक्षाकडून प्रवेशाची ऑफर स्वीकारली जाणार नाही. जे नेते भेटायला येतात ते फक्त अभिनंदन करण्यासाठी येतात.
तरुण पिढीच्या विश्वासार्हतेसाठी सीजेपी पक्षनिरपेक्ष राहील, असे त्यांनी आश्वासन दिले.
राजकीय वर्तुळात या भूमिकेमुळे चर्चा सुरू आहे. काहींच्या मते दिपके पुढे निवडणुकीत उतरू शकतात, पण सध्या त्यांनी स्पष्टपणे नकार दिला आहे.
छत्रपती संभाजीनगरला परतलेल्या दिपके यांच्या घरी नेत्यांच्या भेटी सुरू आहेत, तरीही ते आपल्या आंदोलनाच्या मूळ स्वरूपावर ठाम आहेत.
