पुण्यात बनावट प्रमाणपत्राच्या आधारे पोलीस दलात भरती झालेल्या १९ पोलिसांना सेवेतून बडतर्फ करण्यात आले असल्याची माहिती आहे.
बनावट प्रमाणपत्र सादर 19 पोलिसांना केले सेवेतून बडतर्फ
पुणे: ‘कुराश’ या खेळाच्या बनावट प्रमाणपत्रांच्या आधारे पुणे पोलीस दलात नोकरी मिळवणाऱ्या तब्बल १९ जणांना सेवेतून कायमचे काढून टाकण्याचा अत्यंत कठोर आणि महत्त्वपूर्ण निर्णय पुणे पोलीस आयुक्तालयाकडून घेण्यात आला आहे.
पोलीस आयुक्त अमिताभ कुमार यांनी या प्रकरणाची गंभीर दखल घेत ही कारवाई केली असून, पोलीस दलातील भ्रष्ट मार्गांना पायबंद घालण्यासाठी हा मोठा इशारा मानला जात आहे.
नेमके प्रकरण काय?
- बनावट कागदपत्रांचा वापर: पोलीस भरती प्रक्रियेदरम्यान क्रीडा प्रमाणपत्रांच्या आधारे आरक्षणाचा किंवा विशेष गुणांचा लाभ मिळवण्यासाठी काही उमेदवारांनी ‘कुराश’ या मार्शल आर्टची बोगस प्रमाणपत्रे सादर केली.
- प्रशासकीय खळबळ: गोपनीय चौकशीमध्ये ही सर्व प्रमाणपत्रे खोटी व बनावट असल्याचे निष्पन्न झाल्यानंतर पोलीस प्रशासनात मोठी खळबळ उडाली.
प्रशिक्षणातील आणि हजर न झालेले उमेदवार
हजर न झालेले: हा गैरप्रकार समोर आला तेव्हा त्यापैकी १० जणांना अद्याप पोलीस दलात अधिकृतपणे हजर करून घेण्यात आले नव्हते.
प्रशिक्षण केंद्रातून बोलावले परत: उर्वरित ९ जणांना विविध प्रशिक्षण केंद्रांमध्ये शिक्षणासाठी पाठवण्यात आले होते, त्यांनाही तात्काळ परत बोलावून घेण्याचे आदेश देण्यात आले आहेत.
कायदेशीर कारवाईची टांगती तलवार
या सर्व १९ जणांना नोकरीवरून कायमचे बडतर्फ करण्यात आले असून त्यांच्यावर आता फौजदेशीर कायदेशीर कारवाईची मोठी टांगती तलवार असणार आहे.
शासकीय पदावर अशा प्रकारे बोगस कागदपत्रांच्या जोरावर अवमान करणाऱ्यांवर पोलिस कठोर पावले उचलत आहेत.
