पुणे महानगरपालिकेचे विद्यमान नगरसेवक तसेच ‘जयनाथ तरुण मित्र मंडळा’चे अध्यक्ष किशोर (बाळाभाऊ) धनकवडे पाटील यांचा आज वाढदिवस उत्साहात साजरा होत आहे.
धनकवडी च्या विकासासाठी सातत्याने प्रयत्नशील नगरसेवक किशोर पाटील
पुणे : पुणे महानगरपालिकेचे विद्यमान नगरसेवक तसेच ‘जयनाथ तरुण मित्र मंडळा’चे अध्यक्ष किशोर (बाळाभाऊ) धनकवडे पाटील यांचा आज वाढदिवस उत्साहात साजरा होत आहे.
धनकवडी परिसराच्या विकासासाठी सातत्याने प्रयत्नशील राहणारे आणि नागरिकांच्या सुख-दुःखात सदैव धावून जाणारे हक्काचे नेतृत्व म्हणून बाळाभाऊ धनकवडे पाटील यांची परिसरात ओळख आहे.
कर्तृत्ववान आणि अभ्यासू नेतृत्व
नगरसेवक म्हणून काम करताना बाळाभाऊ धनकवडे पाटील यांनी रस्ते, पाणी, वीज यांसारख्या मूलभूत सुविधांसोबतच परिसराच्या सर्वांगीण विकासाला प्राधान्य दिले.
धनकवडी परिसराचे विद्रुपीकरण रोखून नियोजनबद्ध आणि प्रगत विकास साधण्यासाठी त्यांनी सातत्याने प्रयत्न केले आहेत.
प्रशासकीय कामकाजाचा दांडगा अभ्यास तसेच नागरिकांच्या समस्या आणि गरजा यांची जाण असल्याने त्यांनी पुणे महानगरपालिकेतील आपल्या कार्यातून स्वतंत्र ठसा उमटवला आहे.
नागरिकांच्या प्रश्नांसाठी प्रशासनाकडे पाठपुरावा करून ते प्रश्न मार्गी लावण्याचा त्यांचा सातत्यपूर्ण प्रयत्न असतो.
तरुणांचे प्रेरणास्थान आणि सामाजिक बांधिलकी
‘जयनाथ तरुण मित्र मंडळा’च्या माध्यमातून बाळाभाऊ धनकवडे पाटील यांनी सामाजिक, सांस्कृतिक आणि क्रीडा क्षेत्राला सातत्याने प्रोत्साहन दिले आहे.
तरुणांना योग्य दिशा देणे, त्यांच्या कलागुणांना वाव मिळवून देणे तसेच गरजू आणि आर्थिकदृष्ट्या दुर्बल घटकांना संकटकाळात मदतीचा हात देणे, ही त्यांच्या कार्याची वैशिष्ट्ये राहिली आहेत.
गुरुवर्य पैलवान नगरसेवक बाळासाहेब धनकवडे पाटील यांच्या मार्गदर्शनाखाली समाजकार्याचा वारसा पुढे नेत बाळाभाऊ धनकवडे पाटील यांनी सामाजिक क्षेत्रात आपले योगदान कायम ठेवले आहे.
जनसामान्यांचे ‘बाळाभाऊ’
अतिशय नम्र आणि मनमिळाऊ स्वभाव, चेहऱ्यावर कायम असणारे हास्य आणि प्रत्येक व्यक्तीला सन्मानाने वागणूक देण्याची वृत्ती यामुळे बाळाभाऊ धनकवडे पाटील हे अबालवृद्धांचे लाडके बनले आहेत.
नागरिकांच्या अडचणी समजून घेऊन त्यावर तोडगा काढण्यासाठी तत्पर असणारे लोकाभिमुख नेतृत्व म्हणून त्यांच्याकडे पाहिले जाते.
धनकवडी गावची शान आणि जनसामान्यांचे हक्काचे नेतृत्व म्हणून ओळख असणाऱ्या नगरसेवक किशोर (बाळाभाऊ) धनकवडे पाटील यांना वाढदिवसानिमित्त अनंत मनःपूर्वक शुभेच्छा!
त्यांना दीर्घायुष्य, उत्तम आरोग्य आणि भावी सामाजिक व राजकीय वाटचालीसाठी भरभरून यश लाभो, हीच ईश्वरचरणी प्रार्थना!
