भारती विद्यापीठ पोलीसांची धडाकेबाज कामगिरी
१ पिस्टल आणि जिवंत काडतुसे वापरणाऱ्याच्या भारती विद्यापीठ पोलीसांनी आवळल्या मुसक्या
दिनांक २९/०७/२०२६ रोजी भारती विद्यापीठ पोलीस स्टेशनचे वरीष्ठ पोलीस निरीक्षक मानसिंग पाटील यांचे मार्गदर्शनाखाली भारती विद्यापीठ पोलीस स्टेशनचे तपास पथकाचे अधिकारी पोलीस उप निरीक्षक निलेश मोकाशी व पोलीस स्टाफसह पेट्रोलींग करीत असताना अंमलदार मितेश चोरमोले, सागर बोरगे, अभिनय चौधरी, सोहम शेंडकर यांना त्यांचे गोपनीय बातमीदारामार्फत बातमी मिळाली की, भिलारेवाडी, महानंद डेअरीजवळ, पुणे येथे अग्नीशस्त्रासह थांबला आहे.
त्याप्रमाणे लागलीच पोलीस उप निरीक्षक निलेश मोकाशी व नमुद अंमलदार यांनी सदर ठिकाणी जावुन बातमी प्रमाणे इसमाचा शोध घेतला असता तेथे इसम नामे विशाल प्रल्हाद कलवले, वय २६ वर्षे, धंदा काही नाही, रा. महानंदा दुध डेअरी शेजारील, ज्ञानेश्वरी हाईटस, पहीला मजला, भिलारेवाडी, ता. हवेली, जि. पुणे हा त्याचे ताब्यात ५०,०००/- रुपये किंमतीचे गावठी बनावटीचे पिस्टल व १०००/- रुपये किंमतीचे एक जिवंत काडतुसांसहीत दिनांक २९/०७/२०२६ रोजी १३.२७ वा मिळुन आल्याने त्याचेकडुन गावठी बनावटीचे पिस्टल व जिवंत काडतुसे हस्तगत करुन त्याचेविरुध्द भारती विद्यापीठ पोलीस स्टेशन गुन्हा रजि नंबर ३९३/२०२६, भारतीय हत्यार अधिनियम कलम ३ सह २५ महाराष्ट्र पोलीस अधिनियम कलम ३७ (१) (३) सह १३५ अन्वये गुन्हा दाखल करण्यात आला आहे. पुढील तपास पोलीस उप निरीक्षक निलेश मोकाशी हे करीत आहेत.
सदरची कामगिरी मिलींद मोहीते, पोलीस उप आयुक्त परिमंडळ २, पुणे शहर, तसेच राहुल आवारे, सहाय्यक पोलीस आयुक्त भारती विद्यापीठ विभाग, पुणे यांचे मार्गदर्शनाखाली भारती विदयापीठ पोलीस स्टेशनकडील वरिष्ठ पोलीस निरीक्षक मानसिंग पाटील, पोलीस निरीक्षक (गुन्हे) कैलास कोडग, पोलीस उपनिरीक्षक निलेश मोकाशी, पोलीस अंमलदार मितेश चोरमोले, अभिनय चौधरी, सागर बोरगे, सोहम शेंडकर, सचिन सरपाले, मंगेश पवार, निलेश खैरमोडे, मंगेश गायकवाड, किरण साबळे, तुकाराम सुतार, संदीप आगळे यांच्या पथकाने केली आहे.
मानसिंग पाटील
वरीष्ठ पोलीस निरीक्षक
भारती विद्यापीठ पोलीस स्टेशन, पुणे शहर
