जळगाव जिल्ह्यात गुरुवारी रात्रीपासून सुरु असलेल्या मुसळधार पाऊस मुळे संपूर्ण जिल्ह्याला झोडपून काढले आहे. 14 तालुक्यांत अतिवृष्टी झाली आहे.
250 मिलिमीटरपेक्षा अधिक पाऊस नोंदवला गेला
गेल्या 24 तासांत जिल्ह्यात तब्बल 103 मिमी पावसाची नोंद झाली असून, 2015 नंतर एकाच दिवसात झालेला हा सर्वाधिक पाऊस ठरला आहे.
धुवांधार पावसामुळे अवघ्या एकाच दिवसात पावसाची 25 टक्के तूट भरून निघाली असून जिल्ह्याची पावसाची एकूण सरासरी 106 टक्क्यांवर पोहोचली आहे.
15 पैकी चाळीसगाव तालुका वगळता उर्वरित सर्व 14 तालुक्यांमध्ये अतिवृष्टीची नोंद झाली आहे.
अनेक भागांत पूरस्थिती निर्माण झाली आहे. हवामान विभागाने दिलेल्या माहितीनुसार, गेल्या 24 तासांत सरासरी 150 ते 200 मिलिमीटर पाऊस पडला असून, काही भागांत 250 मिलिमीटरपेक्षा अधिक पाऊस नोंदवला गेला.
नद्या-नाले दुथडी भरून वाहू लागले
भुसावळ, जामनेर, पाचोरा, चोपडा, यावल, अमळनेर, एरंडोल, धरणगाव, बोदवड, रावेर, मुक्ताईनगर, जळगाव, पारोळा आणि चाळीसगाव या तालुक्यांत मुसळधार पाऊस पडल्याने नद्या-नाले दुथडी भरून वाहू लागले आहेत.
तापी नदीच्या पाणीपातळीत मोठी वाढ झाली असून, काही ठिकाणी नदीकाठच्या गावांना सतर्कतेचा इशारा देण्यात आला आहे.
शेतकऱ्यांच्या उभ्या पिकांवर पाऊस चा मोठा परिणाम झाला आहे. कापूस, सोयाबीन, मका आणि भाजीपाला पिके पाण्याखाली आली असून, शेतकऱ्यांचे मोठे नुकसान झाले आहे.
आपत्कालीन मदत कक्ष सुरू
शहरातील अनेक भागांत पाणी साचल्याने वाहतूक ठप्प झाली.
मुख्य रस्ते, उपनगर आणि गावठाण भागांत पाणी भरले असल्याने नागरिकांना मोठी अडचण झाली. जळगाव-भुसावळ महामार्गावर काही ठिकाणी पाणी आल्याने वाहने अडकली.
जिल्हा प्रशासनाने आपत्कालीन मदत कक्ष सुरू केला असून, एनडीआरएफ आणि स्थानिक आपत्ती व्यवस्थापन पथकांना सज्ज ठेवण्यात आले आहे. शाळा-महाविद्यालये बंद ठेवण्याचे आदेश देण्यात आले आहेत.
येत्या 48 तासात आणखी पावसाचा इशारा
पाऊस मुळे विद्युत पुरवठा खंडित झाल्याने अनेक गावांमध्ये अंधाराचे साम्राज्य पसरले आहे. पाणीपुरवठा यंत्रणेवरही परिणाम झाला असून, स्वच्छ पिण्याच्या पाण्याची टंचाई निर्माण झाली आहे.
कृषी विभागाने प्राथमिक पाहणी सुरू केली असून, नुकसानीचे पंचनामे करण्याचे निर्देश दिले आहेत. जिल्हाधिकाऱ्यांनी शेतकऱ्यांना सावध राहण्याचे आवाहन केले आहे.
हवामान विभागाने पुढील 48 तासांत आणखी पाऊस होण्याची शक्यता वर्तवली आहे.
यामुळे जिल्ह्यातील शेतकरी, व्यापारी आणि सामान्य नागरिक चिंतेत आहेत.
प्रशासनाने नागरिकांना अनावश्यक बाहेर पडू नका, असे आवाहन केले आहे. सततच्या मुळे जिल्ह्यातील अर्थव्यवस्थेवरही परिणाम होण्याची शक्यता आहे.
